მოცულობითი ასოები და ლოგოტიპები

მოცულობითი ასოების ძირითადი სახეობები:

1. მასალები:

• პლასტმასის ასოები: გამოირჩევა სიმსუბუქით და ფორმების მრავალფეროვნებით. ხშირად მზადდება წინა განათებით, რომ კაშკაშა და შესამჩნევი იყოს.
• მეტალის ასოები: მტკიცე და გამძლეა. ხშირად გამოიყენება უკანა განათებით, რაც ამონათებული ფონის ეფექტს ქმნის.
• იმ შემთხვევაში, თუ ასოების ან ნიშნების გაბარიტული ზომა ფურცლოვანი მასალების სტანდარტულ 2x3 მ ზომას აღემატება და საჭიროა შიდა განათების დამონტაჟება, ზედაპირისთვის გამოიყენება შუქგამატარი ბანერი. ასეთი ტექნოლოგია გამოიყენება სახურავზე განსათავსებელი და დიდი ზომის ფასადური კონსტრუქციების დასამზადებლად.
• და ა.შ.

2. შეღებვა და მოპირკეთება:

აკრილი და ორგმინა მნათი ასოებისთვის ხელმისაწვდომია სხვადასხვა ფერში, თუმცა ტონალობები შეზღუდულია. მეტალის ასოები შესაძლოა დამზადდეს პრიალა, გლუვი ან ნაკაწრებიანი ზედაპირით.

• საღებავი: მოცულობითი ასოები შესაძლოა შეიღებოს ნებისმიერი ფერით, რათა შეესაბამებოდეს კორპორაციულ სტანდარტებს ან დიზაინის კონცეფციას.
• ფერადი ფირი: გამოიყენება ასოებზე დასაკრავად მრავალფეროვანი ვიზუალური ეფექტებისა და ტექსტურების შესაქმნელად.

3. განათება:

• წინა განათება (ფასადური)
• წინა და კიდეების განათება
• უკანა კონტრ განათება (კონტრაჟურული ეფექტით)
• გვერდითი კონტრ განათება
• ასოები ღია შუქდიოდებით ან ნათურებით
• გარედან მიმართული პროჟექტორით განათება
• კომბინირებული განათება

შიდა განათების წყაროდ გამოიყენება წყალგაუმტარი შუქდიოდური მოდულები, რომლებიც მონტაჟდება კვების ბლოკებთან ერთად.

*კომბინირებული განათების მქონე ასოების დასამზადებლად გამოიყენება განათების სხვადასხვა ვარიანტების ერთიანობა - მაგალითად, განათებული წინა ზედაპირი და კონტრაჟურული (უკანა) ნათება.

*სინათლის დინამიკური ეფექტისთვის დამატებით გამოიყენება კონტროლერი, რომელიც შეირჩევა და პროგრამდება ინდივიდუალურად, სარეკლამო კონსტრუქციის ამოცანებიდან და მიზნებიდან გამომდინარე.

დამონტაჟების ვარიანტები:

• პირდაპირ კედელზე ან სხვა ზედაპირზე.
• ფონურ საყრდენზე ან აბრა-ყუთზე
• ლითონის კარკასზე (ჩარჩოზე): ეს საუკეთესო ვარიანტია დიდი და მძიმე ასოებისთვის.

შეზღუდვები და რეკომენდაციები:

• გარე კონსტრუქციებისათვის გამოიყენება ამინდისადმი მდგრადი მასალები და სამაგრები. ასევე აუცილებელია წყალგაუმტარი შუქდიოდური მოდულების გამოყენება.
• გასათვალისწინებელია, რომ შიდა განათებასთან ერთად მონტაჟდება კვების ბლოკი ან ბლოკები, რომელთა განთავსების ადგილი წინასწარ უნდა დადგინდეს.
• თუ მნათი ასოების გამოყენება გსურთ, სარემონტო სამუშაოებისა და ზედაპირის მოპირკეთების დასრულებამდე აუცილებლად გაიყვანეთ ელექტრო არხების განათების სადენებისთვის.
• მინიმალური ზომის შეზღუდვები დამოკიდებულია რამდენიმე პარამეტრზე. მაგალითად, მნათი ასოს ყველაზე ვიწრო მონაკვეთის სისქე არ უნდა იყოს5 სანტიმეტრზე ნაკლები.
• არ არის რეკომენდებული ისეთი გავრცელებული ტექნოლოგიის გამოყენება, როგორიცაა მოცულობითი ასოების წინა მხარისა და კიდეების ერთდროულად განათება. საქართველოს კლიმატის პირობებში, მაღალი ხარისხის შემთხვევაშიც კი, ასოს ქვედა ნაწილში გროვდება მტვერი და მიკრობები, რაც იწვევს მუქი ლაქების გაჩენას. გვერდითი განათების გამო ეს დაბინძურება განსაკუთრებით შესამჩნევი ხდება და არაესთეტურად გამოიყურება. მსგავსი გადაწყვეტა უფრო შიდა სივრცეებისთვის არის შესაფერისი.

*მნიშვნელოვანია იცოდეთ, რომ თუ თქვენი კომპანია კულტურული მემკვიდრეობის ძეგლად აღიარებულ შენობაშია განთავსებული, „ქალაქ თბილისის მუნიციპალიტეტის ტერიტორიაზე გარე რეკლამის განთავსების წესის“ თანახმად, ფასადური აბრა ამ შემთხვევაში შეიძლება შესრულდეს მხოლოდ ცალკეული მოცულობითი ასოებისა და ნიშნების სახით.

ალტერნატიული ვარიანტები:

მოცულობითი ასოების ალტერნატივად ზოგიერთ შემთხვევაში შეგვიძლია გამოვიყენოთ ბრტყელი (ფსევდომოცულობითი) ასოები, რომლებიც საჭიროების შემთხვევაში გარედან მიმართული პროჟექტორით ნათდება.

კომბინაციები:

მოცულობითი ასოები კარგად ეხამება ბრტყელ ასოებს, თვითკრობადი / თვითწებადი ფირის აპლიკაციებს, ნეონს და ა.შ. ეს საშუალებას გვაძლევს გადავჭრათ მრავალი ვიზუალური ამოცანა და შევქმნათ უნიკალური და ეფექტური სარეკლამო თუ დეკორატიული გადაწყვეტილებები.

გამძლეობა და ხარისხი:

• აღნიშნული მასალების გამძლეობა უზრუნველყოფს მდგრადობას ამინდის მიმართ, არ ხუნდება მზეზე და დიდხანს ნარჩუნდება პირველადი სახით.
• ფერადი აკრილი და სპეციალური ფირი არ ხუნდება მზეზე, რადგან მდგრადია ულტრაიისფერი სხივების მიმართ.
• საჭიროების შემთხვევაში: „უი” (ულტრაიისფერი) ბეჭდვა უზრუნველყოფს მოხმარების უფრო ხანგრძლივ ვადას, ვიდრე სხვა ტექნოლოგიების უმეტესობა.
• ხარისხიანი ფირების მოხმარების ვადა 7 წელზე მეტია.

გარანტია:

2 წლის განმავლობაში ჩვენ გთავაზობთ საგარანტიო მომსახურებას მოცულობითი ასოებისა და დიოდური განათებისათვის.